A duhet të japim zeqat për prindin e vdekur?

Pyetje: A duhet me dhanë zeqat për prindin e vdekur?

Përgjigje: Me emrin e Allahut, të Gjithëmëshirshmit, Mëshirëplotit

Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Zeqati jepet për të gjallët, jo për të vdekurit. Po nëse prindi ka ndërruar jetë pa dhenë zeqatin e detyruar, për të jepet. Nëse ka për qëllim me pyetjen thjesht se do të japë sadaka për shpirtin e tij, për këtë s’ka problem, as kushte, sipas mundësisë.

Ahmed Kalaja

Burimijetes.com

29.07.2010

Cila është këshilla juaj për përgojuesit?

Pyetje: Cila eshte keshilla juaj per motrat dhe vellezerit qe ta ruajne gjuhet e tyre nga pergojimi bartja e fjaleve, dhe folja e tepert?

Përgjigje: Me emrin e Allahut, të Gjithëmëshirshmit, Mëshirëplotit

Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Mjafton si përgjigje për pyetjen aspekti se Allahu e ka konsideruar përgojimin e muslimanëve sikur të hash mishin e vëllait (ose motrës) tënd të vdekur. "O ju që keni besuar! Mënjanoni shumë dyshime, se vërtet disa dyshime janë gjynah. Mos e spiunoni dhe mos e përgojoni njëri-tjetrin! Mos vallë dëshiron ndokush prej jush të hajë mishin e vëllait të vet të vdekur?! Sigurisht që ju do ta urrenit këtë! Kijeni frikë Allahun! Me të vërtetë, Allahu është Pranues i pendimit dhe Mëshirëplotë". El-Huxhurat, 12.

Ndërsa nga hadithet e Profetit po përcjellim këto hadithe:

Transmeton Ebu Hurejre –radijallahu anhu- se i Dërguari salallahu alejhi ue selem, ka bëre pyetje: "A e dini ç'është përgojimi? Të pranishmit thanë: "Allahu dhe i dërguari i Tij e dinë më së miri! "Përgojimi është që vëllait tënd t'ia përmendësh atë që nuk ka dëshirë." I kanë thënë: "Por nëse është e saktë atë që ia themi? "Nëse është e vërtetë ajo që ia ke thënë, ke bere gibet (përgojim) e nëse nuk e ka atë ke bërë shpifje ndaj tij." Muslimi.

Transmeton Ebu Berzeh el Eslami se i Dërguari salallahu alejhi ue selem ka thënë: "O ju të cilët keni besuar vetëm me gjuhet tuaja e ende nuk ka hyrë imani në zemrat tuaja! Mos përgojoni muslimanet dhe mos kërkoni të metat e njeri-tjetrit, sepse vërtetë ai që hyn në fshehtësitë e muslimaneve, Allahu do të hyjë në fshehtësitë e tija e kujt Allahu i hyn në fshehtësitë e tij, do t'ia zbulojë edhe nëse janë të fshehur nën themelet e shtëpisë së tij." Ebu Daudi, Ahmedi.

Bledar Haxhiu

Burimijetes.com

14.08.2008

Si mund t'i heq këto sëmundje (zilia, nifaku, mendjemadhësia) nga zemra?

Pyetje: Ne nje pyejtje keni permendur se duhet vazhdueshmeri ne lutje per dicka. Une kam shume vite qe bej dua te me largohet hasedi dhe smira qe ndiej per te tjeret, bej dua te mos jem mendjemadh pasi bej nje veper dhe bej dua te me jepet sinqeriteti, ihlasi. Me duket sikur nuk kam marre pergjigje. A duhet vazhdueshmeri ne kete, ne lutje? Une ketyre tre semundjeve po ja shoh zararin prandaj po lutem vazhdimisht por po me duket shume veshtire. Kam nevoje per keshille se si mund ti heq keto tre (hased, ihlas, mendjemadhesi) semundje nga zemra. Allahu jua shperblefte.

Përgjigje: Me emrin e Allahut, të Gjithëmëshirshmit, Mëshirëplotit

Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Shkaqet:

Shkaqet që  çojnë njeriun në hased janë katër, siç i kanë përmendur disa dijetarë në librat e tyre:

1. Urrejtja për personin në momentin që vihet re një mirësi e tij apo kur falënderohet prej njerëzve.

2. T’i vijë e rëndë nëse i jepet përparësi dikujt ndaj tij.

3. Frika se mos i humb diçka nga ajo që gëzon.

4. Natyra e keqe, tipi i tillë.

Shërimi:

1. Të kujtojë se hasedi është i ndaluar.

2. Ta angazhohet në hajr.

3. Të kuptojë se s’i sjell hajër po e dëmton atë të parin.

Mburoja:

1. Kërko mbrojte Allahut të të ruajë prej hasetit. Gjëja më e bukur: El Felek, duatë, dhikri i mëngjesit dhe darkës.

2. Devotshmëria, frika ndaj Zotit.

3. Durimi ndaj personit, mos ta sulmojë atë në asnjë mënyrë.

4. T’i mbështet Allahut, pasi ka bërë shkaqet.

5. Boshatisja e zemrës ndaj interesimit për të.

6. T’i kthehet Zotit të Tij, të merret me Allahun se sa të merret me njerëzit.

7. Pendim prej gjynaheve.

8. Sadekaja dhe bamirësia.

9. Bamirësia ndaj personit në fjalë.

10. Realizimi i teuhidit.

11. Fshehja e mirësive.

Për sinqeritet:

Duaja e njohur: Allahume inij eudhu bike en ushrike bike ue ene aelem ue estagfiruke lima la aelem.

Ose duaja e Umerit radijallahu anhu: Allahume ixhal amelij kulehu salihan liuexhike khalisan la li ehadin fihi minhu sheja.

Kundër mendjemadhësisë:

1. Prano të vërtetën ngado që të vijë.

2. Mos nënçmo njerëzit.

Nëse i bën këto, d.m.th: je i ruajtur inshallah.

Allahu e di më së miri.

Ahmed Kalaja

Burimijetes.com

21.06.2008

Si duhet ndarë obligimi mbi furnizimin e familjes?

Pyetje: Eselamu alejkum! Ju përshëndes dhe ju përgëzoj për punën tuaj të mëtutjeshme dhe Allahu inshalla ju shpërblen dhe ua shton suksesin. Kam një pyetje në lidhje me marrëdhëniet familjare, gjegjësisht në lidhje me atë se nëse në një familje punojnë burri dhe gruaja, d.m.th të dy kanë të ardhura (paga), si duhet ndarë obligimi mbi furnizimin e familjes në këtë rast? A ka gruaja obligim të investojë nga rroga e saj në harxhimet familjare apo përsëri i mbetet ky obligim vetëm burrit?

Përgjigje: Me emrin e Allahut, të Gjithëmëshirshmit, Mëshirëplotit

Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Ue alejkum selam ue rahmetullahi ue berekatuhu!

Në këtë rast obligimi mbetet vetëm për burrin dhe Allahu e di më së miri, sepse burrat e kanë për detyrë shpenzimin për nevojat e familjes, siç thuhet qartë në ajetin e Kuranit në suren En Nisa.

Ahmed Kalaja

Burimijetes.com

29.07.2010

Namazi i duhasë

Pyetje: Selam alejkum shpresoj qe jeni mir dhasht zoti e gjithmon te jeni mir desha te bej nje pyetje lidhur me namazin, kam degjuar se namazi qe falet per te ber dua osht qe nga 15min pas lindjes se diellit e deri 15min para ardhejes se kohes se drekes e un qka dua te dij eshte se si te falet ky namaz pasi kam koh te lir edhe dua ta shpenzoj kohen duke u falur desha te dij gjith te mirat zoti ju shperbleft.

Përgjigje: Me emrin e Allahut, të Gjithëmëshirshmit, Mëshirëplotit

Falënderimi i takon Allahut. Paqja dhe bekimi i Allahut qofshin mbi të Dërguarin e fundit të Allahut, mbi familjen e tij, shokët e tij dhe të gjithë ata që ndjekin rrugën e tij deri në Ditën e Gjykimit.

Namazi që kërkon pyetësi shpjegim është namazi i Duhasë ose siç quhet ndryshe dhe namazi i të penduarve. Ka marrë emrin Duha (jo dua), për faktin sepse kryhet paradite dhe paraditja në arabisht quhet Duha, pra ka marrë emrin e kohës në të cilën kryhet.

Dispozita dhe vlera e namazit Duha

Ky është një namaz synet, kur e pyetën njëherë Aishen –radijallahu anha-, se a e falte Profeti salallahu alejhi ue selem, namazin e Duhasë ajo u përgjigj: “Ai herë e falte namazin e Duhasë sikur të thoje se nuk do ta linte asnjëherë dhe herë e linte sikur të thoje se nuk do ta falte më asnjëherë”. Pra ky tekst na tregon se ky namaz është synet dhe jo detyrë.

Padyshim që namazi Duha ka vlerë të madhe. Nga vlerat e tij është se kush e fal këtë namaz është sikur ka dhënë 360 sadaka gjatë ditës. Muslimi përcjell nga nga Ebul-Esued Ed-Dejli –radijallahu anhu-, ky nga Ebu Dherri, se i Dërguari salallahu alejhi ue selem, ka thënë: “Secili prej jush është i obliguar të japë sadaka për çdo nyje të vetën. Çdo tesbih është sadaka, çdo tahmid është sadaka, çdo tehlil është sadaka, çdo tekbir është sadaka, të urdhëruarit për mirë është sadaka, largimi nga e keqja është sadaka, ndërsa të gjitha këto mund të kompensohen me dy rekate namaz duha”.

Falja e këtij namazi ka qenë në porosinë që Profeti salallahu alejhi ue selem, i ka thënë Ebu Hurejrës i cili ka thënë: “Më ka porositur i dashuri im me tre gjëra të cilat nuk do t'i lë sa të jem gjallë: agjërimin e tre ditëve në çdo muaj, namazin e duhasë dhe që të mos fle pa e falur vitrin”.

Koha e namazit Duha

Koha e namazit Duha, fillon me lejen e Allahut, nga momenti që dielli është ngritur sa një shtizë nga momenti i lindjes (në kohën kul falet bajrami), e deri pak para se të shkojë dielli në kupë të qiellit; pra afërsish 20-30 minuta para namazit të drekës, porse koha më e mirë është kur të fillojë që të djegë dielli.

Mënyra e faljes së namazit Duha

Namazi Duha mund të falet dy rekate, mund të falet katër, gjashtë apo tetë rekate, ai falet dy rekate dy rekate; pra në fundin e çdo dy rekateve jepet selam.

Dhe Allahu e di më së miri.

Bledar Haxhiu

Burimijetes.com

11.08.2008

Si bëhet sexhdeja e falënderimit dhe ajo e leximit të Kuranit?

Eselamu ajlakum!

Desha t’ju bëj një pyetje: si bëhet sexhdeja falënderuese dhe si bëhet sexhdeja duke lexuar Kuran. Zoti ju shpërbleftë!


Përgjiigje:

Alejkum selam ve Rahmetullah!

Sexhdeja e falënderimit bëhet në rast kur dëgjon për ndonjë gëzim të madh, që është arritur ndonjë dobi ose është larguar ndonjë dëm, qoftë ai personal apo shoqëror e kolektiv. Përbëhet prej një sexhdeje duke rënë në tokë (dysheme) në momentin kur e dëgjon lajmin, por mund të bëhet edhe më vonë. Sipas mendimit më të saktë të dijetarëve, nuk kërkohet abdesi, as mbulesa për femrën, as të drejtuarit kah kibleja. Nuk ka ndonjë dua të posaçme që kërkohet të thuhet në sexhden e falënderimit, por mjafton çfarëdo lutje që përmban falënderim dhe madhërim të Allahut. 

Kurse sexhdeja e leximit të ajeteve që përmbajnë fjalë të sexhdes, me ç’rast kërkohet sexhdeja e leximit të Kuranit, po ashtu përbëhet prej një sexhdeje dhe nuk ndryshon nga rregullat e sexhdes së falënderimit, të cilat u përmendën më lart, sipas mendimit më të saktë të dijetarëve. Kjo e ka duanë e vet, të cilën mund ta gjesh në libërthin “Mburoja e Muslimanit”.

?Këto janë sexhde të rastit dhe janë ibadet në vete, e jo namaz. Këto i përngjajnë dhikrit më shumë sesa namazit, andaj edhe nuk kërkohet abdesi për këto dy sexhde.

Allahu e di më së miri!  



Muhamed Dërmaku

www.pertymoter.net

Si t’i lutem Allahut që të më ruajë nga mëkatet e mëdha...?

Pyetje:

Selam alejkum!

Desha t’ju pyes se me çfarë lutje duhet t’i lutem Allahut xhele shanehu që të më ruajë nga mëkatet e mëdha, prej turpit dhe mendimeve të këqija?


Përgjigje:


Alejkum selam ve Rahmetullah!

Motër myslimane, ka lutje të shumta dhe ka libra të përkthyer edhe në gjuhën shqipe, që kanë përmbledhur lutje të shumta, që bëhen në situata të ndryshme, siç është libërthi “Mburoja e Muslimanit”.

Sa i përket rasteve që ke pyetur, ato janë të ndryshme dhe dallon qasja njëra nga tjetra. Kur jemi te mëkatet, mund të bëhen dua të ndryshme, por më e qëndrueshme do të ishte të larguarit nga rrugët që çojnë tek gjynahet e mëdha dhe të kujtohet, siç ka thënë Ibnul Kajjimi, me plot bindje se:

Allahu është në dije me atë që fsheh zemra e jote,

Ndaj Allahut duhet të turpërohesh për mëkatimin që do ta bësh,

Frika e jote se mund të biesh nga mëshira e Allahut për shkak të mendimeve që i ke për mëkatim,

Të kesh frikë se mos Allahu do të mbjell në zemrën tënde në vend të dashurisë ndaj Tij, dashurinë për mëkate etj.

Për turpin nuk duhet të bëhet dua që të largohet, sepse ai është i dobishëm dhe i Dërguari, lavdërimi dhe paqja e Allahut qofshin mbi të, ka thënë për të se nuk sjell gjë tjetër pos hairit.

Përveç veprave të mira dhe largimit të mendjes nga mëkatimi, mund të bëni lutje të ndryshme që kanë të bëjnë me largimin nga rrugicat e mëkateve, që ju burojnë nga zemra, madje në gjuhën shqipe.

Ndër të tjera mund të bësh edhe këto dua, që i ka praktikuar vet i dërguari i Allahut, lavdërimi dhe paqja e Allahut qofshin mbi të:

“O Allah, të lutem që të më mbrosh nga shirku ndaj teje duke qenë unë i vetëdijshëm dhe të lutem të më falësh nëse e bëj këtë pa dije!” (Transmeton Ahmedi)

“O Zoti ynë! Mos lejo që zemrat tona të shmangen (nga e vërteta), pasi na ke udhëzuar në rrugën e drejtë, dhe jepna mëshirë prej Teje; vërtet, Ti je Dhuruesi i Madh!” (Ali Imran, 8)

“O Allah, të lutem që të më dhurosh udhëzim, devotshmëri, ndershmëri dhe pasuri!” (Transmeton Muslimi)

“O Allah, mëshirën tënde e kërkoj, andaj mos më lë të mbështetem në veten time asnjë çast, si dhe ma përmirëso gjithë gjendjen time. Nuk ka zot që meriton adhurimin përpos Teje!” (Transmetojnë Ebu Davudi, Ahmedi etj.)

“O Allah që i orienton zemrat, ma drejto zemrën time në respektin Tënd!”(Transmeton Muslimi)

“O Allah që i rrotullon zemrat, forcoma zemrën time në fenë Tënde!”(Transmeton Tirmidhiu)


Allahu e di më së miri!

Muhamed Dermaku

www.pertymoter.net

10 Pyetje-Përgjigje rreth Akides nga Muhamed Et-Temimi

PYETJA 1 : Cilat jane tre parimet njohja e te cilave eshte obligim per cdo njeri ?
Pergjigja : Njohja e njeriut Zotin e tij,fene dhe te derguarin e Tij.

PYETJA 2 : Kush eshte Zoti yt ?
Pergjigja: Zoti im eshte Allahu I Cili me krijoi mua dhe te gjitha krijesat e tjera me miresine e Tij.Ai eshte I Adhuruari im dhe nuk ka per mua asnje adhurues tjeter pervec Tij.Argument per kete eshte fjala e Tij:”Falenderimi eshte per Allahun Zotin e boterave. “Cdo gje pervec Allahut eshte krijese dhe une jam nje prej tyre.

PYETJA 3 : Cdo te thote fjala Zot ?
Pergjigja : Sunduesi,I Adhuruari Merituesi I adhurimit.

PYETJA 4 : Si dhe nga e njohe Zotin tend ?
Pergjigja : E njoha Ate prej argumenteve dhe krijesave te Tij.E nga argumentet e Tij eshte nata dhe dita ,dielli dhe hena,ndersa nga krijesat e Tij jane shtate qiejt dhe shtate tokat e cdo gje ne to e midis tyre.Argument per kete eshte fjala e Tij:”Nga argumentet e Tij eshte nata dhe dita ,dielli dhe hena,prandaj mos I beni sexhde(adhurim)diellit dhe henes,por bejini sexhde Allahut I Cili eshte Krijuesi I tyre ,nese jeni qe Ate e adhuroni.”,dhe:”Vertete Zoti juaj eshte Allahu I Cili I krijoi qiejt dhe token ne gjashte dite ,pastaj qendroi mbi Arsh.E nata e mbulon me nxitim diten dhe dielli ,hena e yjet I jane nenshtruar urdhrit te Tij.Atij(Allahut)I perket krijimi dhe urdhri.i Madheruar dhe plot begati eshte Allahu Zoti i boterave.”

PYETJA 5 : Cila eshte feja jote ?
Pergjigja : Feja ime eshte Islami dhe Islam do te thote nenshtrimi dhe bindja ndaj Allahut te Vetem.Arguyment per kete eshte fjala e Tij :”Feja e vetme dhe pranuar tek Allahu eshte vetem Islami.”dhe :”Kush kerkon te pasoje fe tjeter ne vend te Islamit nuk do t’I pranohet dhe ne boten tjeter eshte nga te shkaterruarit.”

PYETJA 6 : Mbi c’fare eshte ndertuar kjo fe ?
Pergjigja : Eshte ndertuar mbi pse shtylla: shehadeti(deshmia)senuk ka te adhuruar me te drejte pervec Allahut dhe se Muhamedi eshte rob dhe I derguar I Tij,falaja e namazit,dhenia e zekatit,agjerimi I ramazanit dhe kryerja e haxhit nese eshte e mundshme.

Pyetja 7 : C’eshte imani ?
Pergjigja : Te besosh Allahun,engjejt,librat dhe te derguarit e Tij ,Diten e fundit dhe kaderin(caktimi) i te mires dhe te keqes vetem nga Ai.Argumeni per kete eshte fjalae Tij :”I Derguari besoj ne ate qe u zbrit prej Zotit te tij edhe besimtaret besuan ne te.Te gjithe besuan ne Allahun,engjejt,librat dhe te derguarit e Tij…”

PYETJA 8 : C’eshte ihsani(bamiresia) ?
Pergjigja : Te adhurosh Allahun sikur ti e sheh ,Ate sepse edhe pse ti nuk e sheh Ai te sheh ty.Argumenti per kete eshte fjala e Tij ;”Vertete Allahu eshte me ata qe jane te bindur dhe bamiresa.”

PYETJA 9 : Kush eshte profeti yt ?
Pergjigja : Profeti im eshte Muhamedi I biri Abdullahut I biri Abdulmutalibit I biri I Hashimit .Hashimi eshte nga fisi Kurejsh dhe Kurejshet rrjedhin prej Kenaneve te cilet arabe dhe arabet jane prej pasardhesve te Ismailit djalit te Ibrahimit dhe Ibrahimi eshte prej pasardhesve te Nuhut -alejhim selam -.

PYETJA 10 : Me c’fare u be profet dhe me c’fare u be I derguar ?
Pergjigja : U be profet me fjalen”ikra”lexo dhe u be I derguar me suren El-mudethir