Logo
Print this page

DËMET E DUHANIT

I nderuari i sëmurë!
Po të drejtohem kështu, sepse siç pranohet tashmë botërisht një bashkëjetesë e shëndetshme me duhanin nuk mund të ekzistojë. Sado shëndet të plotë të mendosh që gëzon efektet e çdo cigare që pinë nuk mund të kalojnë papërfillshëm. Duke filluar kryesisht nga sistemi i frymëmarrjes e ai kardiovaskular, thuajse të gjitha sistemet e trupit preken nga duhani.

Rreth 25% e duhanpirëseve është vënë re të mbyllin jetën e tyre në një moshë të re. Sipas statistikave të kryera në vitet 1950-1975, 10 milionë njerëz kanë vdekur si pasojë e sëmundjeve të shkaktuara nga duhani, ndërkohë që në vitet 1975-2000 pritej që kjo shifër të kapte vlerën 50 milionë.

Mendoni se kaq e pavlere është jeta?

Kancerët përbejnë grupin kryesor të sëmundjeve të shkaktuara nga duhani. Duke filluar nga kanceri i mushkërive, rrugëve të frymëmarrjes, faringut, laringut, gojës, gjuhës, rrugët e sistemit të tretjes, stomakut, pankreasit, veshkave, fshikëzës së urinës, dhe mitrës tek femrat, është bërë e ditur të shkaktojnë 30% të vdekjeve; ndërsa 90% e vdekjeve nga kanceri i mushkërive është pasojë e duhanit. Një paketë cigare në ditë është vënë re të rrisë 20 herë rrezikun e kancerit të mushkërive. Çdo cigare e konsumuar është një hap drejt vdekjes!! Duhani është gjithashtu shkaku kryesor i bronkitit kronik dhe amfizemes.
Probabiliteti i vdekjes nga bronkiti kronik: nga 3/100.000 që është tek mospirësit e duhanit, tek ata që konsumojnë më shumë se një paketë në ditë kap raportin 114/100.000. Për me tepër duhani duke dëmtuar sistemin imunitar tl mushkërive rrit kështu prevalencën e çdo lloj infeksioni në këtë zonë (zaturee, bronkit, etj.).

Kush dëshiron ta mbylle jetën e tij në shtrat pa frymë?
Sëmundjet koronare të zemrës dhe hipertensioni janë më të shpeshta tek duhanpirësit, si dhe rreziku i krizave të zemrës rritet tre fish. Me ndikimin e hormoneve nga duhani vihet re një rritje impotence e steriliteti te meshkujt e rrezik dështimi i lindjeje të parakohshme tek femrat shtatzënë.

Çfarë përmban një cigare?
Siç dihet cigarja përbehet nga duhani, letra, filtri dhe nga disa materiale shtesë. Por, gjatë prodhimit i shtohen dhe përbërës të tjerë si pesticide, fertilizer dhe materiale dezinfektimi. Tymi i cigares përmban rreth 4.000 lloje kimikate nga të cilat 2.000 janë helme.

Disa nga kimikatet që përmban tymi i duhanit
-Karbonmonoksid; tymi i makinave.
-Arsenik; helm.
-Metanol; gazi që përdoret nga raketat.
-DDT; ilaç kundër insekteve.
-Kadmium; bateri makine.
-Gaz Butan; gaz çakmaku.
-Aceton; shkrirës kimik.
-Naftalinë; ilaç tejash.
-Amoniak; pastrues kimik.

Disa nga kancerogjenet që përmban duhani
Tymi i duhanit përmban rreth 60 lloje kancerogjenesh, një pjese të vogël e të cilëve janë radhitur me poshtë:
-Styrene.
-Benzen.
-Nitrozaminat.
-Formaldehid.
-Hidralazin.
-Vinil klorur.
-Nikel.
-Kadmium.
-Arsenik.
-Polonium.
-Hidrokarburet aromatike policiklike.

A keni të drejtë t’ia bëni këto fëmijëve tuaj?
Duhani dëmton jo vetëm duhanpirësit, po dhe ato që i rrethojnë. Është zbuluar se edhe pirja pasive e cigares rrit rrezikun për sëmundjet e lartpërmendura.


Jajada Dakoli
Template Design © Mburoja Tech Mesoislamin. All rights reserved.