ALLAHU I LARTËMADHËRUAR

 

Dije se vërtetë të njohurit e Allahut xhel-le shanuhu, besimi në Të, adhurimi ndaj Tij dhe vërtetimi i gjithë asaj që vjen nga Ai është nga gjërat më të rëndësishme me të cilën obligohet muslimani që ta mësojë, ta njeh dhe kuptojë.
E ai, i cili nuk e njohu Allahun, Krijuesin, Sunduesin dhe Udhëheqësin e tij, ai vërtetë ka jetuar në jetën e kësaj bote si shtazë: han dhe pinë, fle dhe zgjohet, e kështu me radhë derisa të përfundojë jeta e tij në këtë gjendje, e ai nuk e di as për çka është krijuar dhe si ka jetuar.
Allahu i Lartësuar thotë: " ... e ata që nuk besuan, përjetojnë kënaqësi (në këtë jetë) dhe hanë ashtu si hanë kafshët, e vendi i tyre është zjarri." (Muhammed, 12).
E kështu ata do të bëjnë çrregullime në tokë, do të bëjnë keq me punët e tyre, ngase ata nuk i njohin punët e mira dhe nuk dinë se cilat janë punët e këqija, nuk dinë se çka e hidhëron Allahun dhe nuk mendojnë për atë që e bënë Atë të kënaqur.

Do të thotë asnjë njeri nuk mund t’i njeh rrugët e mira për t’i shërbyer ndonjë sendi vetëm se me udhëzimin e atij që është më i ditur se ai, e si mundet pra njeriu në jetën e kësaj bote që ta luajë rolin e tij të kërkuar duke mos i përfillur urdhrat dhe obligimet e Allahut të Madhëruar, e Ai është Krijues i njeriut dhe Krijues i gjithë botëve. Allahu xhel-le shanuhu thotë: "A nuk e di Ai që ka krijuar, kur dihet se Ai depërton në thellësitë sekreteve, i njeh hollësitë." (Mulk, 14).
Read more...

PESË KUSHTET E ISLAMIT

 

PËRSIATJE E PESË KUSHTEVE TË ISLAMIT
 
Allahu i Plotfuqishëm caktoi për këtë Ummet sheriatin më të plotësuar dhe fenë më të lehtë, e bëri Ummetin më të mirë ndër njerëz. Është Ummeti i fundit në këtë botë, ndërsa i pari në Ditën e Gjykimit për natyrën dhe përmbajtjen që ka, është përmbyllëse e shpalljeve qiellore.
Islami është begatia më e madhe që Allahu ia dha njerëzimit, për të cilin thotë: “Sot përsosa për ju fenë tuaj, plotësova ndaj jush dhuntinë Time, zgjodha për ju Islamin fe.” [Maide, 3]
Ky Islam madhështor është ngritur mbi pesë shtylla, që nëse i vështron do të gjesh se çdo shtyllë përmban dobi të mëdha e të mira të panumërta. Nisur nga ky aspekt duam të cekim diç nga tërë kjo, për të cilën dëshmojnë argumentet dhe realiteti, madje të flasësh për këtë çështje është edhe madhërim dhe falënderim ndaj Allahut për të mirat që na i ka dhënë, sikur që thotë edhe vetë Allahu xh.sh.: “E për të mirat që të dha Zoti yt, trego!” [Duha, 11]
 
Kushti i parë: Dëshmia (shehadeti)
Dëshmia e shehadetit që përmblidhet në fjalët “LA ILAHE IL-LALL-LLAH MUHAMMEDUN RESULULL-LLAH”është një kusht që nënkupton sinqeritetin e plotë të adhurimit ndaj Allahut si dhe pasimin e denjë të rrugës së Pejgamberit sal-lall-llahu alejhi ve sel-lem. Ai që me të vërtetë i përmbahet kuptimit të kësaj fjale meriton kënaqësinë në këtë botë (dunja) dhe në botën tjetër (ahiret). Në këtë botë e nxjerr nga populli i kufrit dhe e sjell te populli i Islamit, ruan gjakun dhe pasurinë e tij. Pejgamberi sal-lall-llahu alejhi ve sel-lem thotë: “Jam urdhëruar t’i luftoj njerëzit derisa të thonë La ilahe il-lall-llah, dhe kur ta thonë atë, janë të mbrojtur prej meje gjaku dhe pasuria e tyre përveç se me të drejtë (në rast të shkeljes së ligjeve). Poashtu thotë: “Kush thotë La ilahe il-lall-llah dhe mohon çdo gjë tjetër që adhurohet përveç Allahut, do ta dërgojëAllahu në xhenet edhe me ato vepra (të pakta) që i ka”.
Me pasimin e rrugës së Pejgamberit alejhi selam mbrohesh nga bid’atet, fiton dashurinë e Allahut dhe faljen e mëkateve. Allahu i Plotfuqishëm thotë: “Thuaj (o Muhammed): Nëse e doni Allahun, atëherë ejani pas meje që Allahu t’ju dojë.” [Ali Imran, 31] si dhe: “Kush i bindet Pejgamberit, ai i është bindur Allahut.” [Nisaë, 80]
Pra, pasimi i Pejgamberit sal-lall-llahu alejhi ve sel-lem është nga kuptimi i shehadetit.
Read more...
Subscribe to this RSS feed
Back to top